سـٍـٍــٍير لاهـٍــٍ مال بوظبٍــٍـٍـي ويرمسـٍــٍــٍـٍــ **

السلام عليكم والرحمة




طاع هاه .. مال راك ويرمس .. !!!!!)
(بخبرك .. الله يعطيك .. من عيمان وترمس .. !!!!!!)
(شو هاه من دبي ويرز ويه .. وين تباا !!!!!!!)
(خوز و يا هالسكراب..مال راس الخيمة و يلف علي بعد.. )
(طاع هذا القيواني و يا هالقوطي ماله.. )





طبعا الكل إستغرب من عنوان الموضوع..


بس قبل ما أشرح أبغيكم تقرون هالقصيده ...:




"يا عيال زايد"


يلي بألقاب مالها أصل تتنابزون
كيف نسيتوا إنكم عيال زايد


معقوله وصلت الحاله إنكم تتعايرون
وإنتوا من دولة راعي السدايد؟!


تلاقي أهل شارجه عن راك يقولون
كلام وتعابير بإسلوب زود كايد


هذا من راك ولد البوبر وبعد يزيدون
ماعندكم كهرب ولا نادي ومبنى رايـــــد

ومن راك يردون التحيه بنفس الوزون
إنتوا يا أهل شارجه يا أهل العوايد


يلي تحبون التراث وتحمونه فالسنون
يلي خليتوا المعلايه نبراس الفرايد


سواقة عميان، وبشوف البنات تجنون
وكل من عرف يرقص لبستوه القلايد


ماشفتكم بغير خالد حريه تتباهون
وماتاكلون غير نخي يابس وبايد


حرام عليكم يا عيال من وفى الديون
وجمعنا في دوله تحت إسمه (زايد)


ودروا عنكم هالكلام وفيه لاتزيدون
ولا تاخذون من الغرب أفكار وعقايد


خلكم على دين الاسلام وهو المصيون
هو وحده الاسلام المرشد الصادق القايد

ليتني بعد هالقصيد ما أسمعكم تتنابزون
وليتكم ماتنسون إنكم عيال زايد


لاتخلون الغير على حالنا يتشمتون
وإحفظوا دولة راعي السدايد؟!




قمنا نسمع هالكلام وااااااايد .. وهالعبارات كلها للمعاير .. اللي في بوظبي يرمس عن هل الشارجه ..وهل الشارجه عن رااك .. وكفايه يسمونهم قوم النخي وهل دبي عن بوظبي وعيمان .. وبين كل الإمارات ..



فأبي رايكمـ الحين !!


شو اسباب هالمعاير ؟؟


ليش الناس نسوا انهم كلهم اماراتيين وكلهم عيال زايد الله يرحمه وكل واحد يتفنن في انه يظهر اسم او لقب لاهل المدينه الفلانيه ؟!



** شو شخصيه اللي يتلفظ بهالعبارات .. ؟



** متى ممكن الشخص يستخدم ها الاسلوب .. ؟؟


** وانتوا لو سمعتوا بهاي الرمسه شو بتقولون له بهاي اللحظة .؟؟ بترودن بنفس الاسلوب ولا كيف ؟؟


** واذا عندكم موقف مر عليكم خبروني عنه ؟؟


وابي منكم التفاعل ..