طريقة كتابة الفريستااايل

موضوع: طريقة كتابة الفريستااايل 17/6/2009, 8:12 am

السلام عليكم ورحمة الله وبركاته

طريقة كتابة الفري ستايل

1- أول واهم شي ياشباااب فن الراب او الفري ستايل بدأ فـ نيويورك فامريكا وكان الهدف منو انو شباب المناطق اللي بدأوه يطلعو افكارهم و اراؤهم بطريقة جمل موزونة وماشية على ايقاع معيين يشد الشخص اللي بيسمعها
أكبر غلط احنا ممكن نغلطها اننا لما نكتب فري ستايل يعبر عن افكارهم و اراؤهم ثانيه ،وعلى شان جي تكون كل المقولات عن التقليد الاعمى تنطبق علينا 100 % حتى ولو كنا بنكتب بأفصحه وكاننا شعب شبابه امخاخهم فاضية ، اخلاقنا وعاداتنا وقيمنا لازم ما نتخلى عنها حتى واحنا بنكتب راب ، ولازم يكون رابنا تعبير عنا وعن قوميتنا

2- الفري ستايل :

أ - عشان تكتب فري ستايل أولا وكـ شي ثاني تكتبه سواءا قصيدة او خاطرة لازم تجمع افكارك وتكون فكرة أساسية للموضوع اللي راح تتكلم عنه ، وحتى وان خرجت بعض الـ " الابيات " عن الفكرة الاساسية لازم يكون للفري ستايل طابع واحد كـ كل سواءا كان حزين أو قتالي أو ساخر " فكاهي " أو حتى عاطفي ، حاول دايما يكون ليك شخصيتك المميزة فكتاباتك وقد ما تقدر ابعد عن التقليد ، أبدا مب صعب انك تكتب كلام " موزون " وممكن اي واحد في العدادي يكتبلك الف سطر اذا كانت المشكلة الوحيده هيا الوزن ، طريقة طرحك للكلام اللي فبالك مهمــة جدا ، حاول ما تعيد نفس المعنى فاكتر من سطر ، اختصر قد ما تقدر مع كتابة اكبر عدد من المعاني ، وحاول تضيف نوع من العمق لكتاباتك ، يعني لا تخلي كل الكلام اللي تكتبه سطحي ، استخدم الاستعارات والتورية والتشبيه وكل مهارات اللغة اللي تقدر تستخدمها ، حاول تخلي اللي يقرا يتستفز كل تفكيرو عشان يتتبع الكلام اللي بتكتبو ، انتا ما بتكتب موضوع فغرفة الجلسة ولازم تخليه واضح ، وصل فكرتك للي بيقرا بدون ماتعطيه بنفسك ، يعني حطله اللقمة عالصحن بس لا تأكلها ، ولا اعيد ؟

عشان تفهمو روحو شوفو الربريه يبين اكثر من الفري ستايلات في القسم هنا وبين الفري ستايل اللي نزلو رز بلبن

ب_ الوزن_ نقصد بيها القافية _
طبعا الوزن يعتبر الركيزة الاساسية للـ فري ستايل اللي تكتبه ، ممكن تكتب كلام معقد وكلو حكم بس غير موزون ، كلامك هادا اكتبو فورقة وحطو عندك في الدرج مع الاسف ما نعتبرو فري ستايل ،
الوزن طبعا درجات في اوزان قوية وفي اوزان ضعيفة ، في اوزان ثقيلة وفي اوزان خفيفة
بالانجليزي المسألة هذي طويلة وفيها تفصيلات كتير ( الوزن الكامل والجزئي ) بس خليني اتكلم عاللي شفته بالعربي طالما احنا مهتمين في منتدى الراب العربي

وقبل ما اتكلم على قوة الوزن اول شي لازم اكلمك الـ سطر أو ال Line

مثال عشان اشرحلكم عليــه :

سطرين من غير عنوان .... الفتره هذي يالسين اتقولون كلام بالهوى
أستحي و أتعلم ....

السطرين هدول كلهم بلغة الـ راب نسميهم سطر أو " لاين "

اللاين مثل ما انتو شايفين يتكون من سطرين نهايت كل واحد فيهم تكون راكبة عالثاني
قووة الوزن تعتمد على طوول النهاية الراكبة ،

أهم غلطة لا تغلطها هني، لا تخلي الحروف تغرك ، زي ما انتو عارفين لغتنا الحبيبة فيها حركات فتحة وضمة وكسرة ، لا تكتب كلمة اخر ثلاثة حروف كلها مثل بعض بس تختلف في التشكيل ، قبل ما تحكم على انه الكلمتين الفلانية موزونة بالشكل جرب انقطها وشوف هل اتقولها بنفس الطريقة ولا لا ، مثلا : كلمة " مـَـسـْـجـِـدْ ، ابدا مب موزونة مع كلمة سـَـجَــدْ رغم انو الاتنين نهايتهم جيم ودال ، وكلمة أحـْـقـِـدْ موزونة مع مسجد رغم انو نهايتها قاف ودال ، المهم عندنا هوا النطق مو شكل الكلمة او الحروف اللي فيها

جـ - الـ " ايقاع " او الـ Flow
وهاذا اللي يفرق الفري ستايل عن الشعر بالدرجه الاولى
شفتو اكيد شاعر وهوا بيلقي قصيدة ، دايما تلقوه يوقف ، يقول شطر ويوقف ، وبعدين كلمتين ويوقف ، ويعيد الشطر الاول معاه الكلمتين ، بعدين يزيد عليها شطر
الكلام هذا ما ينفع عندنا ، كتابتك لازم يكون فيها نوع من الاستمراية ، يعني تكتب الكلام بحيث انك تقدر تقولو ورا بعض وبسرعه وما توقف غير عشان تاخد نفسك ، وهاذي اكبر مشكلة فرايي للي بيكتبون عندنا هني ، كثير بيكتبون كلام موزون لاكن بدون أي إيقاع ، تسمعون اكيد اغاني راب وشايفين كيف بيغنوها ، اسمعو أغنية رز بلبن وشوفو كيف كاتب الكلمات ..

خد نفس وجرب اقرا الكلام بسرعه حتقولو وجرب قوله مره وحده من غير ما توقف وبتحس المعنى متكمل ما يحتاج تفصل بين سطر والثاني عشان اللي بيسمعك يفهم شو تقول لا تفضحونا

المهم اباكم اتجربون وشوفوا الفرق اتمنى اني افيدكم باي شي والي عنده سؤااال يسال واذا اقدر بجااااوبه
وشكرا
سامحوني على القصور

تسـ‘لم ـآخوي ع ـآلطريقـ‘ـه ..

» طريقة عمل الشاورما لحم
» طريقة عمل شاورما لحم
» طريقة عمل البسبوسه
» طريقة عمل الباذنجان الايطاليه
» طريقة عمل الصمون بالصورة